प्यूठान । प्यूठान नगरपालिका-७ गाँजुरीमा मोटरसाइकल दुर्घटना भएको छ । ३ वटा मोटरसाइकल एक आपसमा ठोक्किएर भएको दुर्घटनामा ४ जना घाईते भएका छन ।
गौमुखी गाउँपालिका-३ रजबाराका वडा अध्यक्ष ६० वर्षीय जंग बहादुर पुनले चलाएको लु.६९.प.६५६३ नम्बरको मोटरसाइकल, प्यूठान नगरपालिका-३ साढेखोला बस्ने २५ वर्षीय आकास के.एम.ले चलाएको लु.२३.प.१९५१ नम्बरको मोटरसाइकल र प्यूठान नगरपालिका-७ पुन्यखोला बस्ने २१ वर्षीय बब्लु नेपालीले चलाएको ग.१८.प.७२०९ नम्बरको मोटरसाईकल एक आपसमा ठोक्किएको जिल्ला प्रहरी कार्यालय प्यूठानले जनाएको छ ।
घाइते बब्लु नेपाली, जंग बहादुर पुनलाई बुटवल रिफर गरिएको छ । आकास के.एम. र ऋषि धामीको अवस्था सामान्य रहेको प्रहरीले जनाएको छ ।
S.K. Creative Media Group