प्यूठान । नौबहिनी गाउँपालिका-१ स्याउलिवाङको स्वास्थ्य चौकीलाई स्थानीय क्लबले देउसी भैलोबाट संकलन भएको रकम दिएको छ । नौबहिनी स्पोर्ट्स क्लबले स्वास्थ्य चौकीलाई भवन निर्माणका लागि जग्गा खरिद गर्न रकम उपलब्ध गराएको हो ।

क्लबले बैठकबाट निर्णय गरेर १ लाख २० हजार रुपियाँ स्वास्थ्य चौकी प्रमुख रमेश बोहरालाई हस्तान्तरण गरेको अध्यक्ष कर्ण बुढामगरले बताउनुभयो । १ नम्बर वडाका ७ सय घरधुरीका अनुमानित ४ हजार जनसंख्या स्वास्थ्य चौकीको भवनको अभावले प्रयाप्त स्वास्थ्य सेवा प्राप्त गर्न नसकेको अध्यक्ष बुढामगरले बताउनुभयो ।