दीपेन्द्र सुनार
सौतामारे । झिमरुक गाउँपालिका वडा नम्बर १ ले जेष्ठ नागरिकलाई सम्मान गरेको छ। बिहीबार झिमरुक गाउँपालिका वडा नम्बर १ को वडा कार्यलय गर्तङ्ग फेदीमा १६ जना जेष्ठ नागरिकलाई सम्मान गरिएको हो ।

वडा भित्रका २००४ साल बैशाख देखि सोही वर्षको असोज ३० गते सम्म जन्मिएका र उमेरले ७६ वर्ष पुगिसकेका १६ जना जेष्ठ नागरिकहरु लाई सम्मान गर्दै कम्मल प्रदान गरिएको वडा अध्यक्ष धुर्ब्रराज खनालले बताउनुभयो ।

प्रत्येक वर्ष वार्डले जेष्ठ नागरिकहरु लाई विनियोजन गर्ने बजेट मार्फत यो वर्ष पनि वार्ड भित्रका जेष्ठ नागरिकहरु लाई सम्मान स्वरुप चिसोमा ओढ्ने कम्मल प्रदान गरिएको हो ।

साथै ७६ वर्ष भन्दा अगाडीका जेष्ठ नागरिकहरु लाई बितेका वर्षहरुमा सम्मान गरिसकिएको र ७६ वर्षभन्दा पछाडिका जेष्ठ नागरिकहरु लाई क्रमश आउँदा वर्षहरुमा सम्मान गरिदै जाने वडा अध्यक्ष खनालको भनाई छ ।