प्यूठान । शहिद दिवसको अवसरमा नागरिक अभियान प्यूठानले विविध कार्यक्रम संचालन गरेको छ । दिवसको अवसरमा र्याली, सम्मान वक्तृत्वकला र रक्तदान कार्यक्रम गरिएको हो ।

शहिद स्मृति पार्क गाजुरीमा भएको कार्यक्रममा ६ जनाले रक्तदान गरेका थिए। १४ जना बालबालिकाले वक्तृत्वकला प्रतियोगितामा भाग लिएका थिए । जसमध्ये प्रथम बिपना रोका, द्वितीय सन्ध्या भण्डारी, तृतिय तुलसीराम भुषाल र सान्त्वना प्रतिभा केसी हुनुभएको छ ।

कार्यक्रममा रक्तदानको क्षेत्रमा महत्वपूर्ण भूमिका खेल्दै अहोरात्र खट्नुहुने प्युठान नगरपालिका ४ जुम्री निवासी जिबन खनाललाई सम्मान गरिएको थियो ।

कार्यक्रममा साहित्य परिषद् प्युठानको तर्फबाट कार्यबाहक अध्यक्ष बिमला खनाल, रामकृष्ण शर्मा र सुमन सुवेदीले रचना वाचन गर्नुभएको थियो । कार्यक्रममा नेपाल राष्ट्रिय माबि टारी र कालिका बोर्डिङ स्कुलबाट विद्यार्थी सहभागी भएका थिए ।