दाङ । दाङमा मोटरसाइकल दुर्घटनामा हुँदा एक जनाको मृत्यु भएको छ । घोराही उपमहानगरपालिका-१८ स्थित कालिका टोलमा रा ७ प ३१८६ नम्बरको मोटरसाइकल दुर्घटना हुँदा रूकुम पूर्व भुमे गाउँपालिका-१ निवासी २७ बर्षीय आदर्श पुनको मृत्यु भएको हो ।

मोटरसाइकलमा सवार सोही ठाउँ निवासी ३५ वर्षीय रामकुमार पुन घाइते भएको जिल्ला प्रहरी कार्यालय दाङले जनाएको छ ।घाइते पुनको राप्ती स्वास्थ्य विज्ञान प्रतिष्ठान घोराहीमा प्रारम्भिक उपचारपछि थप उपचारका लागि भैरहवा रिफर गरिएको जिल्ला प्रहरी कार्यालय दाङले जानकारी दिएकाे छ ।