सल्यान । नेपाल पत्रकार महासंघ जिल्ला शाखा सल्यानको छैठौँ अधिवेशनको तयारी तिब्र भएको छ । आज बिहान ११ वजे जिल्लाको त्रिबेणी गाउँपालिकाको लुहाममा सुरु हुन लागेको अधिबेशनको सबै तयारी पूरा गरि आज बिहान ११ बजे सुरु हुने भएको हो ।

त्यसअघि नेपाल पत्रकार महासंघ सल्यान शाखाको आयोजना र त्रिबेणी गाउँपालिका सँगको सहकार्यमा स्थानीय तहको विकासमा पत्रकारको भूमिका बिषयक अन्तरक्रिया कार्यक्रम सञ्चालन हुने नेपाल पत्रकार महासंघ सल्यान शाखाले जनाएको छ ।

जसमा त्रिबेणी गाउँपालिकाले सञ्चालन गरेका काम, चौमासिक प्रगति सहित असल अभ्यासहरु सार्वजनिक गरिने नेपाल पत्रकार महासंघ सल्यानका कार्यवाहक अध्यक्ष शंकर केसीले जानकारी दिनुभएको छ । लुहाममा हुने कार्यक्रमको सम्पुर्ण तयारी पुरा भएको केसीले जानकारी दिनुभयो । उहाँका अनुसार महासंघको छैठौँ अधिवेशनमा जिल्ला शाखामा रहेका पत्रकारिता पुरस्कार वितरण, महासंघको सांगठनिक र आर्थिक प्रतिवेदन पनि पेश हुने छ ।

महासंघको जिल्ला शाखाको नयाँ नेतृत्व भने विधान अनुसार केही महिनापछि जिल्ला, प्रदेश र केन्द्रको एकैपटक चयन हुने छ ।