काठमाडौं । नेकपा एमालेका महासचिव शंकर पोखरेलले राष्ट्रवादी शक्तिमाथि प्रहार जारी रहेको बताउनुभएको छ। आज बिहान सामाजिक सञ्जालमार्फत उहाँले मुलुक संकटमा भएको अवस्थामा नीतिमा दृढता र नेतृत्वमा एकता अत्यावश्यक भएको बताउनुभएको हो।

उहाँले एकताबद्ध भएर अगाडि बढ्दा संकट पार लाग्ने बताउनुभयो। ‘मुलुक संकटमा छ, राष्ट्रवादी शक्तिमाथि प्रहार जारी छ।’ महासचिव पोखरेलले भन्नुभयो, ‘यस्तो अवस्थामा नीतिमा दृढता र नेतृत्वमा एकता अत्यावश्यक छ। अघि बढौं– सम्भव छ ।’

नेकपा एमालेको ११ औं राष्ट्रिय महाधिवेशन मंसिर २७–२९ गते हुँदैछ। महाधिवेशनका लागि आज एकैदिन देशभर प्रतिनिधि चयन हुँदैछन्। एमालेले सकेसम्म सर्वसम्मत र सहमति हुन नसकेका स्थानमा मतदानमार्फत प्रतिनिधि चयन गर्दैछ।