काठमाडौं । सरकारले नियमावली संशोधन गरि विद्यार्थीको फरक विवरण सच्याउन पाउने ब्यवस्था लागू गरेको छ ।बुधबार बसेको मन्त्रिपरिषद् बैठकले उमेर, नाम र जात सच्याउने (तेस्रो संशोधन) नियम, २०८० संशोधन गरेको हो । संशोधनअनुसार अब यसअघिका जुनसुकै समयका प्रमाणपत्र पनि सच्याउन सकिने ब्यवस्था संशोधन नियमावलीले गरेको छ।

विद्यार्थीका जन्मदर्ता, शैक्षिक प्रमाणपत्र तथा नागरिकतामा उमेर, नाम, थरलगायत विवरण फरक परेर समस्यामा परेका ब्यक्तिका लागि अब (तेस्रो संशोधन) ले सहज हुने भएको छ । सरकारले यससम्बन्धी नियमावली संशोधन गरी फरक विवरण सच्याउन पाउने व्यवस्था गरेको छ ।

यसअघि प्रमाणपत्र पाएका मितिले ६ महिनाभित्र सच्याउनका लागि दरखास्त दिनुपर्ने प्रावधान थियो । यसलाई संशोधन गरि पाँच वर्ष पुर्याइएको छ । तर, पाँच वर्ष नाघेकाकाे हकमा पनि यो नियम लागू भएको एक वर्षभित्र दरखास्त दिएको खण्डमा सच्याउन सकिने प्रावधान राखिएको छ ।