प्यूठान । जिल्लाको पर्यटकीय क्षेत्र मल्लरानीमा जारी दोस्रो फुड फेस्टीबलमा आज गायक जीवन शर्माको प्रस्तुति हुने भएको छ । आज अन्तिम दिन गायक शर्मा र चित्र अविरल सिर्पालीको प्रस्तुति रहने आयोजकले जनाएको छ ।

कार्यक्रम एकल नृत्य प्रतियोगिता समेत संचालन भएको छ । बैशाख १ गते नयाँ वर्षको दिन गायक कृष्ण रेउले, कुसुम परियार, मिस्टर योद्धाको टिमको प्रस्तुति रहेको थियो ।

प्यूठान उद्योग वाणिज्य संघ मल्लरानी बजार क्षेत्रले आयोजना गरेको महोत्सवमा मल्लरानी ग्रामीण बिकास सरोकार केन्द्र सह आयोजक रहेको छ । फुड फेस्टिबलमा बिभिन्न खानाका प्रकार राखिएको छ ।