सल्यान । सल्यानको सिद्धकुमाख गाउँपालिका-४ सागिनेका ३१ वर्षीय केशव रानाले धारिलो हतियार प्रहार गरी २७ वर्षीया श्रीमती केवली रानाको हत्या गरेका छन् । श्रीमतीको हत्यापछि रानाले आत्महत्या गरेका छन् ।

सुत्ने कोठामा श्रीमतीको हत्या गरी घरदेखि नजिकै रहेको रुखमा झुन्डिएर रानाले आत्हत्या गरेको सल्यानका प्रहरी प्रमुख प्रहरी नायब उपरीक्षक नवीन कार्कीले बताउनुभयो ।

घटनाको अनुसन्धान भइरहेको प्रहरीले जनाएको छ । राना दम्पतीका ४ छोराछोरी रहेको प्रहरीले जानकारी दिएको छ । प्रहरीले अहिले घटना स्थलमा पुगेर अनुसन्धान गरिरहेको जनाएको छ । आइतबार मात्रै बनगाड कुपिण्डे नगरपालिका-४ देउलीमा पनि यस्तै खालको घटना घटेको थियो ।