माधव खनाल

अर्घाखाँची । भुमिकास्थान नगरपालिका वडा नम्बर १ का वडा अध्यक्ष गोपालप्रसाद खनालले आफ्नो जन्मदिनको अवसरमा अग्निपिडितलाई राहत प्रदान गर्नुभएको छ । गत बैशाख महिनामा आगलागी भएर घरबार बिहिन भएका भुमिकास्थान नगरपालिका वडा नम्बर १ ढाकावाङ्ग साम्नेगाउँ सिउडेनी निवासी टेकबहादुर थापालाई राहत प्रदान गर्नुभएको हो ।

थापालाई नगद सहित दुईवटा बाख्रा, खाद्यान्न र ग्याँसचुलो, लत्ताकपडा लगायत सामाग्री बितरण गर्नुभएको छ । खनाल नेपाली काङ्ग्रेस अर्घाखाँची जिल्लाका प्रभावसाली युवा नेताको रूपमा परिचीत हुनुहुन्छ ।

खनालले आजै ढाकावाङ्ग स्वास्थ्य चौकीमा एक कार्यक्रमका बीच सुत्केरी महिलाको लागि अण्डा बितरण गर्नुभएको छ । खनालले आफ्नो जन्मदिनमा फजुल खर्च गर्नुको साटो केही फरक र सामाजिक कार्य गरेको बताउनुभयो । दु:खी गरिबको लागि हित हुने काम गरि जन्मदिनको मनाउन पाउदा आफुलाइ खुशीको अनुभुती भएको बताउनुभयो ।

अध्यक्ष खनालले बिगतमा पनि आफुले आफ्नो जन्मदिनको अवसरपारी वडाका विभिन्न धार्मिक स्थल मठमन्दिर निर्माणको लागि सहयोग गर्दै आउनुभएको छ ।