बनेपा । काभ्रेको नमोबुद्ध नगरपालिकाका पूर्व वडाध्यक्षको निसास्सिएर मृत्यु भएको छ।

सोमबार जिल्लाको नमोबुद्ध नगरपालिका-१, का ८२ वर्षीय पूर्व वडाध्यक्ष समेत रहेका कर्मग्याल्बो लामाले चिसोका कारण हिटर र आगो बालेर परिवार सहित सुतेको र उहाँको निसास्सिएर मृत्यु भएको जिल्ला प्रहरी कार्यालय काभ्रेपलान्चोकले जनाएको छ।

लामाको उपचारको क्रममा मंगलबार बिहान १० बजे धुलिखेल अस्पतालले मृत्य घोषणा गरेको प्रहरीले जनाएको छ । जिल्ला प्रहरी कार्यालय काभ्रेका प्रहरी नायब उपरीक्षक राजकुमार श्रेष्ठका अनुसार लामाकी श्रीमती असनी माया लामा बेहोस रहेको र उहाँको धुलिखेल अस्पतालमा उपचार भइरहेको छ। उहाँको अवस्था सामान्य रहेको बताइएको छ।

लामा दम्पतीले बस्ने ठाउँमा हिटर र फलामको कराइमा आगो बालेर झ्याल ढोका बन्द गरि सुतेको तर बिहान बेहोस आवस्थामा रहेको प्रहरीले जनाएको छ।