दाङ । दाङमा मोटरसाइकललाई टिप्परले ठक्कर दिदा प्युठानका दुई जनाको मृत्यु भएको छ । मोटरसाइकलमा सवार झिमरुक गाउँपालिका-४ बांगेमरोठका १७ वर्षीय विशाल जिसी र नौवहिनी गाउँपालिका-६ लुङका १८ वर्षीय सागर केसीको मृत्यु भएको जिल्ला प्रहरी कार्यालय दाङले जनाएको छ ।

शुक्रवार राती घोराही उपमहानगरपालिका-१० स्थित झारबैरा चोकमा तुलसीपुरबाट घोराही तर्फ आउँदै गरेको रा १ क १३०७ नम्वरको टिप्परले बिपरित दिशा तर्फ जाँदै गरेको रा २ प ५५८९ नम्वरको मोटरसाईकललाई ठक्कर दिएको प्रहरीले जनाएको छ ।

घाइते यूवाहरुको राप्ती स्वास्थ्य विज्ञान प्रतिष्ठान घोराही दाङमा उपचारको क्रममा मृत्यु भएको हो । टिप्पर चालकलाई प्रहरीले नियन्त्रणमा लिएको छ ।