प्युठान । प्युठानको सरुमारानी गाउँपालिका बड्डाडा नजिक विङ्गर गाडी दुर्घटना भएको छ । जिल्लाको सरुमारानी गाउँपालिका-४ बड्डाडामा बाग्दुलाबाट भालुवाङ तर्फ जाँदै गरेको लु २ ख ३०९३ नम्बरको गाडी दुर्घटनामा परी १० जना यात्रु घाइते भएको जिल्ला प्रहरी कार्यालय प्युठानका सुचना अधिकारी, प्रहरी निरीक्षक हुमानन्द खनालले जानकारी दिनुभयो । सडकबाट करिब एक सय मिटर तल खसेर दुर्घटना भएको प्रहरी निरीक्षक खनालले जानकारी दिनुभयो ।

प्रहरीका अनुसार घाइतेलाई स्थानीय प्रहरी लगएतको सहयोगमा उद्घार गरि उपचारको लागि एम्बुलेन्समा दाङको भालुबाङ पठाइएको प्रहरी निरिक्षक खनालले जानकारी दिनुभयो । दुर्घटना बारे थप विवरण आउन बाँकी छ।