माधव खनाल
अर्घाखाँची । अर्घाखाँची जिल्लाको छत्रदेव गाउँपालिकामा खर काट्ने क्रममा भिरबाट लडेर एक जनाको ज्यान गएको छ।

मृत्यु हुनेमा छत्रदेव गाउँपालिका वडा नम्बर ८ काफलडांडा निवासी ४८ बर्षिय पदम बिक रहेको प्रहरी चौकी अर्घातोषले जानकारी दिएको छ।

बिहिवार साँझ करिब ४ :३० बजेको समयमा खर काट्ने क्रममा अचानक चिप्लिन घाइते हुनुभएका बिकलाई उपचारको लागी जिल्ला अस्पताल गुल्मी तम्घास लगिएको थियो । उहाँको चेकजांच गर्दा डाक्टरले मृत घोषणा गरेका थिए।

बिक खर्यानबारीबाट करिब ७० मिटर तल खसेको प्रहरीले जनाएको छ। मृतक बिकको शवलाई पोष्टमाटमको लागि जिल्ला अस्पताल गुल्मीमै राखिएको प्रहरीले बताएको छ।