बुटवल । रुपन्देहीमा यात्रुबाहक बस दुर्घटना हुँदा २० जना घाइते भएका छन् ।

शुक्रवार राती करिव १२ बजे रुपन्देहीको देवदह नगरपालिका-९, स्थित भलुहीमा काठमाडौँबाट दाङ जाँदै गरेको बा.प्र.०३–००१ नम्बरको रात्रीबस पल्टिदा २० जना यात्रु घाइते भएको इलाका प्रहरी कार्यालय बुटवलका प्रहरी नायव उपरिक्षक दान बहादुर थापाले बताउनुभयो ।

प्रहरीका अनुसार घाइतेमध्ये दुईजनाको अवस्था गम्भीर रहेको जनाएको छ । दुर्घटनामा घाइतेहरुको देवदह मेडिकल कलेजमा उपचार भइरहेको छ । बसमा ३८ जना यात्रु सवार थिए । गाडी चालक प्रहरीको नियन्त्रणमा छन् । दुर्घटना बारे थप अनुसन्धान भैरहेको प्रहरीको भनाइ छ । बसका चालक प्युठान झिमरुकका प्रदीप परियार भएको प्रहरीले जनाएको छ ।