स्याङ्जा । स्याङ्जामा टयाक्टर दुर्घटना हुँदा चालकको ज्यान गएको छ ।

जिल्लाको पुतलीबजार नगरपालिका १४ तोप्सेबाट लामागेतर्फ आउँदै गरेको ग. १ त. ४९८७ नम्बरको ट्याक्टर सोमबार बिहान भित्री सडक खण्डमा दुर्घटना भएको हो ।

दुर्घटनामा चालक दाङको दंशीशरण गाउँपालिकाका २८ वर्षीय रामहरि चौधरीको घटनास्थलमै मृत्यु भएको प्रहरी नायब उपरीक्षक इन्द्रबहादुर रानाले जानकारी दिनुभएको छ । प्रहरीका अनुसार दुर्घटना बारेमा थप अनुसन्धान भैरहेको छ।