लमही । दाङको देउखुरीमा यात्रुबाहक बस दुर्घटना हुँदा बसमा सवार १३ जना यात्रु घाइते भएका छन । बुधबार दाङको तुलसीपुरबाट बुटवल जाँदै गरेको रा १ ख २५८१ नम्बरको बस र बुटवलबाट सुर्खेत जाँदै गरेको लु १ ख ७३६३ नम्बरको बस आपसमा ठोकिएर दुर्घटना भएको हो ।

लमही नगरपालिका-३, स्थित वनगाउँमा दुई बस एक आपसमा ठोकिँएर दुर्घटनामा परि १३ जना यात्रु घाइते भएको वडा प्रहरी कार्यालय लमहीका प्रहरी निरीक्षक शंकर श्रेष्ठले जानकारी दिनुभयो ।

दुर्घटना दुबै बसमा सवार यात्रु घाइते भएको प्रहरीले जनाएको छ । सामान्य घाइतेहरूको अहिले लमही अस्पतालमा उपचार भैरहेको छ भने गम्भीर घाइतेलाई बाहिर पठाउने तयारी भैरहेको छ । दुर्घटना स्थलमा प्रहरी र स्थानीयले घाइतेको उद्धार जुटेका छन् । दुर्घटना बारे थप विवरण आउन बाकी रहेको छ ।