प्युठान । प्युठानको माण्डवी गाउँपालिकामा प्रथम अध्यक्ष कप खेलकुद प्रतियोगिता संचालन भएको छ । जस अन्तर्गत राष्ट्रव्यापी अन्तर स्थानीय तह भलिबल प्रतियोगिता आयोजना गरिएको छ ।

माण्डवी गाउँपालिका-३, मार्सिबाङ्ग को खेलमैद भलिबल प्रतियोगितामा प्युठान र आसपासका जिल्लाका स्थानीय तह गरि १३ समूहले सहभागी जनाएको आयोजकले जनाएको छ ।

प्रतियोगिताको संविधान सभा सदस्य नारायण प्रसाद अधिकारीले
उद्घाटन गर्नुभएको थियो । कार्यक्रम उद्घाटनमा बोल्दै
खेल स्वास्थ्य मानव जीवनको लागि महत्त्वपूर्ण विषय भएकाले यसको विकास गर्न जरुरी रहेकोे बताउनुभयो ।
कार्यक्रमका अध्यक्ष एवं माण्डवी गाउँपालिका अध्यक्ष नवराज अधिकारीले खेल क्षेत्रको महत्त्वलाई आत्मसात गर्दै खेलाडिहरुलाई उजागर गर्नका लागि पालिकाले कार्यक्रम आयोजना गरेको बताउनुभएको छ ।

कार्यक्रम २ दिनसम्म संचालन हुने आयोजकले जनाएको छ । स्थानीय तहमा उत्पादन भएका खेलाडिको प्रोत्साहनका लागि यो प्रतियोगिताले सहयोग पुग्ने अध्यक्ष नवराज अधिकारिले बताउनुभयो । उहाँका अनुसार अबदेखि यो प्रतियोगिता हरेक वर्ग निरन्तर रूपमा सञ्चालन हुनेछ ।