काठमाडौं । त्रिकोणात्मक टी-२० सिरिज अन्र्तगत नामिबिया र नेदरल्यान्डबीचको खेल वर्षातका कारण रद्ध भएको छ । खेल रद्ध भएपछि दुवै टिमले १-१ अंक बाँडेपछि फाइनल नेपाल र नेदरल्यान्डबीच हुने भएको छ ।

त्रिवि क्रिकेट मैदानमा आइतबार नेदरल्याण्ड विरुद्ध टस हारेर पहिला ब्याटिङको निम्तो पाएको नामिबिया १५ ओभरमा ९८–४ को अवस्थामा वर्षाको कारण खेल रोकिएको थियो ।

नेदरल्यान्ड ५ अंकसहित शीर्षस्थानमा छ भने नेपाल नेपालको ४ अंक छ । नामिबियाको ३ अंक मात्र छ।

नेपाल पहिलो खेलमा नामिबियासँग २० रन र दोस्रो खेलमा नेदरल्यान्डसँग २ रनले हारेको थियो । त्यसपछिको खेलमा नेपालले नामिबियालाई ३ रन र नेदरल्यान्डलाई ६ विकेटले हराउँदै फाइनलमा स्थान पक्का गरेको हो ।