इलाम । इलाममा विद्यार्थीहरु बोकेर भ्रमणको लागि गएको बस दुर्घटना भएको छ ।

धनुषाबाट भ्रमणका लागि इलाम गएका विद्यार्थीसहितको टोली बोकेको बस आइतबार करिब पौने ५ बजे तिर इलामको रोङ गाउँपालिकाको किटेनीमा दुर्घटनामा परेको जिल्ला प्रहरी कार्यालय इलामका एसपी बासुदेव खतिवडाले जानकारी दिनुभएको छ ।

दुर्घटना परेको ६ ख ८४२४ नम्बरको बस सडकबाट करिब ३०० मिटर तल खसेको बताइएको छ । घाइतेमध्ये २६ जनाको झापास्थित बीएण्डसी अस्पतालमा उपचार भइरहेको प्रहरीले जानकारी दिएका छन् । सो दुर्घटनामा १ बालकको ज्यान गएको प्रहरीले जनाएको छ। उक्त बसमा ३७ जना यात्रु सवार रहेको जनाइएको छ ।