काठमाडौं । नेकपा माओवादी केन्द्र निकटको पत्रकार संगठन प्रेस सेन्टर दाङका अध्यक्ष पाण्डव शर्मा प्रेस चौतारी नेपालमा प्रवेश गर्नुभएको छ । सोमबार पार्टी केन्द्रीय कार्यालयमा एक कार्यक्रमका बिच शर्मालाई स्वागत गरिएको हो ।

नेकपा एमालेका महासचिव शंकर पोखरेल, सचिव योगेश भट्टराई लगायतका नेताहरूका साथै प्रेस चौतारीका नेताहरूले एमालेको जनसंगठन प्रेस चौतारी नेपालमा शर्मालाई स्वागत गर्नुभयो ।

शर्माले आफूलाई संगठनले दिएको जिम्मेवारी इमानदारितापूर्वक पुरा गर्ने प्रतिबद्धता व्यक्त गर्नुभयो । प्रतिस्पर्धाको राजनीतिमा नेकपा एमाले उत्कृष्ट पार्टी स्थापित भएको कारण आफू एमाले र त्यसको जनसंगठन प्रेस चौतारी नेपालमा समाहित भएको उहाँले बताउनुभयो ।