बैतडी। जिल्लाको दोगडाकेदार गाउँपालिकाको कटौजी पानी स्थित हुड्याखोलामोडमा बोलेरो जीप दुर्घटना भएर एक जना बालिकाको घटनास्थलमै ज्यान गएको छ भने अन्य ७ जना घाइते भएका छन् । मंगलबार दिउँसो २ बजे दोगडाकेदार गाउँपालिका-७, स्थित कटौज पानीमा बोलेरो जिप दुर्घटना हुँदा जिपमा सवार दोगडाकेदार गाउँपालिका-८, कालागाउँकी १५ वर्षिया मनिषा विष्टको घटनास्थलमै ज्यान गएको प्रहरीले जनाएको छ ।

सिल्लेगडा बजारबाट यात्रुहरु बोकेर कालागाउँ जाँदै गरेको सु प्र ०१०० ज १५३७ नम्बरको बोलेरो जिप दुर्घटनामा हुँदा एक जनाको मृत्यु भएको र चालक सहित अन्य ७ जना घाइते भएको जिल्ला प्रहरी कार्यालय बैतडीका प्रवक्ता इन्सपेक्टर नन्दराज जोशीले बताउनुभयो।

घाइते हुनेमा कालागाउँका ५० वर्षिय बिरे लुहार, २६ वर्षिया घुमरा विष्ट, ४० वर्षिया कृष्णा विष्ट, ७० वर्षिया हरिमाया विष्ट, १७ वर्षिय महेश विष्ट र ३० वर्षिय जिप चालक भुपेन्द्र विष्ट रहेका छन् । घाइते मध्ये चालकको अवस्था गम्भीर रहेको र बाँकीको अवस्था सामान्य रहेको प्रहरीले जनाएको छ ।

प्रहरीजा अनुसार घाइतेहरुको जिल्ला अस्पताल बैतडीम उपचार भैरहेको छ। ८ जना यात्रु सवार जिप सडकबाट ५० मिटर तल खसेको प्रहरीले जनाएको छ । दुर्घटनाको कारण भने खुलेको छैन् । दुर्घटना बारे थप अनुसन्धान भैरहेको प्रहरीले जनाएको छ ।