शब्द : सिर्जना थापा, प्युठान ।
छोरी नआतिनु कपडामा रातो दाग देख्दा,
तिमी कहीले नलजाउनु पसलेसँग त्याड माग्दा ।
जुन दिन मेरो शरीरबाट रातो रगत बग्यो,
मेरी आमाको आँखाबाट नअडिने गरी आँसु झर्यो।
मनमनै प्रशन गर्न थालिन् त पनि कति अभागी रहीछेस भनेर।
आमाको मनले आफैं प्रश्नन गर्न थाल्यो, कसरी काटछेस ती रात जुन रात तेरो शरीरबाट निरन्तर रगत बगेको हुन्छ भनेर।
तेरो महिनावरीमा खुशी भएको यो समाज र तेरो बाउले यो ढु: ख कहिले बुझ्ने छैनन्।
तेरो पीडामा हौसाला दिनलाई म पनि त सधै बाँच्ने छैन।
भगवानले भाग लगाउँदा पारीदिएको रातो रगत एउटा अनगिन्ती उपहार हो।
त्यो रातो रगतको दुखाई र पिडालाई मौनतामा सहन सक्नुनै तेरो ठुलो सफलता हो।
तेरो जीवनको अनगिन्ती खुशी त्यो रातो दगले दिने छ।
त्यही रातो दागकै कारण अब यो समाजमा छुटै प्रकारको इज्जत हुने छ।