प्युठान । नौबहिनी गाउँपालिकाले आयोजना गरेको प्रथम अध्यक्ष कप खेलकुद प्रतियोगिता अन्तर्गत लुम्बिनी प्रदेशव्यापी अन्तर स्थानीय तह पुरुष भलिबल प्रतियोगिता सप्पन्न भएको छ । प्रतियोगिताको उपाधी बर्दघाट नगरपालिकाले जितेको छ ।

फाईनल खेलमा सरुमारानी गाउँपालिकालाई हराउँदै बर्दघाट नगरपालिका नवलपरासीले प्रथम पुरस्कार जितेको हो । दोस्रो स्थान सरुमारानी गाउँपालिकाले र तेस्रो स्थान सुनिलस्मृति गाउँपालिका रोल्पाले लिएका छन ।

प्रतियोगिताको बिजेता प्रथमले १ लाख ५० हजार, दोस्रोले १ लाख र तेस्रोले ५० हजार रुपियाँ नगद सहित ट्रफी, मेडल र प्रमाणपत्र प्राप्त गरेका छन । पुस १ गतेदेखि शुरु भएको प्रतियोगितामा एघार टीमले भाग लिएका थिए ।