काठमाडौ । म्युजिक भिडियोकी मोडल दिपाशा बिसीको निधन भएको छ । पछिल्लो समय म्युजिक भिडियोमा लोकप्रिय हुँदै आएकी उनको बिहीबार निधन भएको हो ।

स्वास्थ्यमा समस्या भएपछि २८ वर्षीया बिसीलाई बुधबार राति थापाथलीस्थित नर्भिक अस्पतालमा भर्ना गरिएको थियो । उनलाई बिहीबार दिउँसो अस्पतालले मृत घोषित गरेको नर्भिकले जनाएको छ ।

‘जलपरी’ नामले समेत मोडलिङ र फिल्ममा चर्चित उनले बिरानो माया, चाल, दुलही रानी र झेली फिल्ममा अभिनय गरेकी छिन् ।

उनको डेब्यु फिल्म ‘दुलही रानी’ २०६८ मा रिलिज भएको थियो । मोडल बिसीको निधनको कारण भने खुल्न बाँकी रहेको छ । उनी नृत्यमा अब्बल मानिएकी थिइन् ।