अर्जुन बिष्ट

रुकुम पश्चिम । रुकुम पश्चिममाको चौरजहारी नगरपालिकामा जीप दुर्घटना भएको छ । जीप दुर्घटनामा परि करिब २२ जना घाइते भएको प्रहरीले जनाएको छ ।

सोमबार बिहान जिल्लाको चौरजहारी नगरपालिका बाट मुसीकोटतर्फ जाँदै गरेको लु १ ज २२९७ नम्बरकाे जीप आज बिहान चौरजहारी नगरपालिका-८ गोइरीज्यूला नजिक दुर्घटना भएको प्रहरीले जनाएको छ ।

अहिले सबै घाइतेहरूलाई चौरजहारी मिसन अस्पतालमा उपचार भईरहेकाे छ । घाइतेमध्ये ७ जनाको अवस्था गम्भीर रहेको जनाईएको छ । अहिले घटना स्थलमा नेपाल प्रहरी र सशस्त्र प्रहरी टोलिले घाइतेको उद्धार गरिरहेको छ । दुर्घटना बारे प्रहरीले अनुसन्धान थालेको बताएको छ । दुर्घटनाको थप विवरण आउन बाँकी छ।