प्यूठान । एसइई पुरक परीक्षा आजदेखी शुरु भएको छ । आज पहिलो दिन अंग्रेजी विषयको परीक्षा सप्पन्न भएको छ ।

प्यूठानमा परीक्षा फाराम भरेका मध्ये १८ जना परीक्षार्थी अनुपस्थित भएका छन । साधारण तर्फ १ हजार ७३८ र प्राबिधिक धार तर्फ ३५ जना गरी १ हजार ७९१ जनाले फाराम भरेको शिक्षा बिकास तथा समन्वय इकाई प्यूठानले जनाएको छ ।

प्राबिधिक धारका सबै परीक्षार्थी सहभागी भएपनि साधारण तर्फका परीक्षार्थी अनुपस्थित भएको कार्यालयले जनाएको हो । प्राबिधिक धारका सबै परीक्षार्थीको केन्द्र महेन्द्र माध्यमिक विद्यालय खलंगामा रहेको छ । जिल्लाभर ८ वटा केन्द्र रहेका छन ।