प्यूठान । अन्तर्राष्ट्रिय युवा दिवसका अवसरमा पर्यटकीय क्षेत्र मल्लरानीमा सरसफाई गरिएको छ । जिल्ला युवा समिति प्यूठानले मल्लरानी क्षेत्रमा सरसफाई गरेको हो ।

समितिका अध्यक्ष रामचन्द्र केसीले दिवसको अवसर पारेर समितिले सरसफाई गरेको बताउनुभयो । उहाँले समितिले वर्षेनी दिवस मनाउने गरेको र दिवसको अवसरमा सामाजिक कार्य गर्दै आएको जानकारी दिनुभयो ।

पछिल्लो समय मल्लरानी गाउँपालिकाको केन्द्र सदरमुकाम खलंगाको शिर मल्लरानीमा आन्तरिक पर्यटक पुग्ने क्रम बढेको छ ।