प्यूठान । ऐरावती गाउँपालिकाले ब्याकहो लोडर खरिद गरेको छ । पालिकाले क्याटलक बिधी मार्फत ५५ लाख ४५ हजार रुपियाँमा मेसिन खरिद गरेको जनाएको छ ।

गाउँपालिका क्षेत्रको सडक मर्मत तथा निर्माणमा ब्याकहो लोडरले काम गर्ने गाउँपालिकाका अध्यक्ष नबिल बिक्रम शाहले बताउनुभयो । वर्षातको समयमा बिग्रेको बाटो मर्मत गर्न सहज हुने उहाँको भनाई छ ।

बाटो मर्मत कार्यका लागि वर्षौं रकम खर्च हुने गरेको भन्दै पालिकाले मेसिन खरिद गरेको उहाँको भनाई छ । मेसिन चलाउन अपरेटर राख्ने प्रक्रिया समेत अघि बढाएको उहाँले जानकारी दिनुभयो ।