प्युठान । प्युठानमा नेपाल प्रहरी श्रीमती संघद्वारा बेलपत्रेश्वर महादेव मन्दिरमा दिप प्रज्वलन गरिएको छ। सोमबार प्युठान नगरपालिका-१ बेलुवा स्थित रहेको बेल पत्रेश्‍वर महादेव मन्दिर परिसरमा मानव जातिको शान्तिको कामना गर्दै दिप प्रज्वलन गरिएको हो ।

नेपाल प्रहरी श्रीमती संघको ४० औं बार्षिकोत्सवको अवसर पारेर नेपाल प्रहरी श्रीमती संघ लुम्विनी प्रदेशको आयोजना र जिल्ला प्रहरी कार्यलय प्यूठानको सहकार्यमा दिप प्रज्वलन कार्यक्रम गरिएको जिल्ला प्रहरी कार्यलय प्युठानका प्रमुख प्रहरी नायव उपरीक्षक इश्‍वर थापाले जानकारी दिनुभयो । मन्दिर परिसरमा भएका झाडी तथा अन्य फोहोर संकलन र ब्यवस्थापन गरि सरसफाई गरिएको प्रहरी प्रमुख डिएसपी ईश्वर थापाले जानकारी दिनुभयो ।

प्युठानमा गरिएको दिप प्रज्वलन कार्यक्रममा निमित्त प्रमुख जिल्ला अधिकारी लक्ष्मी देवी शर्मा, जिल्ला प्रहरी कार्यलय प्युठानका प्रमुख प्रहरी नायव उपरीक्षक इश्‍वर थापा, इलाका प्रहरी कार्यालयका कार्यालय प्रमुख प्रहरी निरीक्षक चुडामणी पुन, नेपाल प्रहरी श्रीमती संघ लुम्विनी प्रदेशका सदस्य आशा श्रेष्ठ र हिमा भण्डारी, मन्दिर व्यवस्थापन समितीका अध्यक्ष, प्रहरी कर्मचारी लगायतको उपस्थिती रहेको थियो ।

पछिल्लो समय जिल्लामा प्रहरीको सक्रियतामा विपद्मा उद्धार राहतसँगै जनताको जीउ ज्यान सम्बन्धि शान्ति सुरक्षा र सामाजिक कार्यका गतिविधि दैनिक रुपमा सञ्चालन गर्दै आएको छ। सामाजिक कार्यक्रमले जनतामा थप हौसला प्रदान गरेको छ ।