प्युठान । जिल्लाको झिमरुक गाउँपालिका-६, चिसावाङ्गमा मध्यरातमा एक गोठमा आगलागी हुँदा जलेर दुहुनो भैसीको मृत्यु भएको छ । आगलागीबाट गोठ र गोठमा भएका पराल भुस दाउरा सबै जलेर नष्ट भएको स्थानीय निकेश पोख्रेलले जानकारी दिनुभयो ।

स्थानीय केशवराज उपाध्यायको गोठमा आगलागी हुँदा गोठमा भएका सम्पुर्ण सामाग्री जलेर नष्ट भएको स्थानीय पोख्रेलले जानकारी दिनुभयो । जस्तापाताको छाना भएको गोठमा भुइँबाट आगलागी भएको स्थानीयले बताएका छन् । मध्यराति करिब २ बजे आगलागी भएको थाहा पाएपछि छिमेकीलाई खवर गरेर आगो निभाउन गएको पीडित केशवराज उपाध्यायले बताउनुभयो । त्यहाँ पुग्दा आगोले सबै जलेर नष्ट भैसकेको थियो । भैसीलाई उद्घार गरेर बाहिर लिएपनी अहिले बिहान भैसीको मृत्यु भएको उहाँले बताउनुभयो । छोरा बुहारी बहिनीको डेलिभरीको लागि नेपालगञ्ज अस्पताल गएको र घरमा हामी श्रीमान श्रीमती मात्र भएको मौका छोपेर आगो लगाइदिएको केशवराज उपाध्यायकले बताउनुभयो ।

अहिले घटना स्थलमा स्थानीय र प्रहरीको टोली पुगेर मुचुल्का उठाउने काम र थप अनुसन्धान थालेको छ । मध्यराति भएको आगलागी घटनाको अनुसन्धान पछिमात्र के कसरी भएको हो भन्ने आउने प्रहरीको भनाइ छ ।