प्यूठान । कैलालीका एक शिक्षक प्यूठानको ऎरावती गाउँपालिकामा मामृत फेला परेका छन् । सोमबार प्यूठानको ऎरावती गाउँपालिका-६, स्थित जनता माध्यमिक बिद्यालय बिजुलीका शिक्षक चन्द्रप्रकाश सापकोटा बाटोमा मृत फेला परेका हुन ।

जनता माध्यमिक बिद्यालय बिजुली देखि करिब २ किलोमीटर टाढा बाटोमा मृत भेटिएको जिल्ला प्रहरी कार्यालय प्यूठानले जानकारी दिएको छ । प्रहरीका अनुसार मृतक सापकोटाको शरीरमा बाहिरी चोटपटक देखिएको छैन । मृतकको कारण भने पोष्टमार्टम रिपोर्ट पछि मात्र थाहा हुने प्रहरीले जानकारी दिएको छ ।

मृतक शिक्षकको घर कैलाली टिकापुर हो । अनुसन्धान गर्दा प्यूठानमा मृतकको कुनै आफन्त नभएको बुझिएको छ । बिद्यालयमा बस्दै आएका शिक्षक बरौलामा शिक्षकको तालिममा गएको र फर्किने क्रममा उक्त घटना भएको प्रहरीले अनुमान गरेको छ। अहिले मृतकको शव पोष्टमार्टमको लागि जिल्ला अस्पताल बिजुवार लगिएको छ। प्रहरीले घटना बारे थप अनुसन्धान थालेको जनाएको छ।